Amizero
Ahabanza Amakuru Politike Ubukungu

Igikomangoma Charles wo muri Wales yageze mu Rwanda [AMAFOTO].

Igikomangoma Charles wo muri Wales mu Bwami bw’u Bwongereza yageze mu Rwanda ku mugoroba wo kuri uyu wa Kabiri, tariki 21 Kamena 2022, aho yitabiriye CHOGM 2022.

Prince Charles yasesekaye mu Mujyi wa Kigali aherekejwe n’umugore we Camilla Parker Bowles. Bageze ku Kibuga Mpuzamahanga cy’Indege cya Kigali i Kanombe ahagana saa Tatu z’ijoro ku isaha yo mu Rwanda (21h00).

Bakigera ku butaka bw’u Rwanda bakiriwe n’abanyacyubahiro batandukanye barimo Ambasaderi w’u Rwanda mu Bwongereza, Johnston Busingye ndetse na Omar Daair uhagarariye inyungu z’u Bwongereza mu Rwanda.

Prince Charles yabanje kwakirwa mu cyumba kigenewe kwakirirwamo abanyacyubahiro mbere yo kwerekeza mu Mujyi wa Kigali muri Hoteli iri bumucumbikire.

U Rwanda rukomeje kwakira abanyacyubahiro batandukanye bitabira Inama ihuza Abakuru b’Ibihugu na za Guverinoma bo mu Muryango wa Commonwealth izwi nka CHOGM iteraniye i Kigali mu Rwanda. Prince Charles akaba aje ahagarariye umubyeyi we, Umwamikazi Elisabeth II utabonetse kubera intege nke z’umubiri.

Indege yamuzanye ubwo yari igeze i Kanombe ku Kibuga Mpuzamahanga cy’indege cya Kigali.
Ubwo yururukaga indege yamuzanye ari kumwe n’umugore we.
Yahawe ikaze mu Rwanda yakirwa mu cyumba cyagenewe abanyacyubahiro bo hejuru.
Yakiriwe na Ambassador w’u Rwanda mu Bwongereza.

Related posts

Agapfundikiye Niyo Bosco azaniye abakunzi be ubwo yizihiza isabukuru ye

NDAGIJIMANA Flavien

Etiyopiya: Intambara ya Tigray ikomeje kototera utundi duce

NDAGIJIMANA Flavien

Uwishe George Floyd yakatiwe gufungwa imyaka 22

NDAGIJIMANA Flavien

1 comment

Gogo June 21, 2022 at 10:32 PM

Thank you so much Mr Flavier

Reply

Leave a Comment