Amizero
Umutekano

CP Bizimungu yahawe inshingano muri MINUSCA

CP Bizimunu agiye kuyobora ishami rya Polisi muri MUNISCA

Komiseri wa Polisi (CP) Bizimungu Christophe kuri iki cyumweru tariki ya 27 Kamena yasesekaye I Bangui mu murwa mukuru w’igihugu cya Centrafrique aho yahawe inshingano zo kuyobora ishami rya polisi ry’Umuryango w’Abibumbye riri mu butumwa bw’amahoro muri icyo gihugu rizwi nka MINUSCA (Multidimensional Stabilization Mission in Central African Republic).

Inshingano CP Bizimungu yahawe azisimbuyeho Umufaransa General Major Pascal Champion wari uzimazeho imyaka 2 kuko yazitangiye muri 2019.

Babicishije kuri Twitter yabo, ishami rya Polisi rya MINUSCA ryavuze ko nta gushidikanya ubunararibonye CP Bizimungu Christophe akuye muri polisi y’u Rwanda buzafasha mu kubungabunga umutekano no kubaka amahoro arambye muri Centrafrique.

U Rwanda ruza ku isonga mu kugira ingabo nyinshi (1,356) ndetse n’abapolisi (470) kandi bose bahora bashimirwa uruhare rwabo mu kubungabunga amahoro ndetse no gusana igihugu mu bice bitandukanye.

Mu yindi mirimo yigeze gukora, CP Bizimungu yabaye umuyobozi w’ubushinjacyaha bwa gisirikare, mbere yuko ahabwa inshingano muri Polisi y’u Rwanda. Yanayoboye kandi ishami ryari rishinzwe ubugenzacyaha muri Polisi, mbere yuko iryo shami rivaho maze izo nshingano zigahabwa RIB. Kugeza ubu yari umuyobozi w’ishuri rikuru rya Polisi riherereye mu Karere ka Musanze mu Ntara y’Amajyaruguru.

Ishami rya Polisi rya MINUSCA rigiye kuyoborwa na CP Bizimungu Christophe ririmo abapolisi bagera kuri 1,904 bakomoka mu bihugu 10, harimo umunani byo muri Afurika na bibiri byo ku mugabane wa Aziya.

Related posts

Ikibazo cy’umutekano wa DR Congo cyahagurukije Israel ifatwa nk’igihangage mu bya gisirikare.

NDAGIJIMANA Flavien

Perezida Xi Jinping na mugenzi we Vladimir Putin basabye ko OTAN itakomeza kwegera Uburusiya.

NDAGIJIMANA Flavien

Impunzi z’abanyekongo ziri i Kigeme zakoze imyigaragambyo yamagana ‘ubwicanyi ku batutsi’ muri DR Congo Isi yose irebera.

NDAGIJIMANA Flavien

Leave a Comment