Amizero
Ahabanza Amakuru Hanze Politike Ubuzima Umutekano

Abarwanyi ba FDLR bari mu myitozo bakubiswe n’inkuba batatu bahasiga agatwe.

Abarwanyi b’Umutwe w’iterabwoba wa FDLR bakubiswe n’Inkuba ubwo bari mu myitozo mu kigo cya Kirama, batatu muri bo bahasiga agatwe.

Ibi ngo byabaye ku wa Gatatu tariki 17 Kanama 2022 mu masaha ya saa sita, abishwe bari abakurutu (abanyeshuri) batozwaga na Gen. Bgd Matovu afatanyije na Gen. Maj Busogo usanzwe ari umujyanama mukuru mu bya gisirikare muri FDLR.

Rwandatribune yatangaje ko ubusanzwe inkambi ya Kirama isanzwe icumbikiye imiryango igizwe n’abana n’abagore barenga igihumbi bakomoka ku barwanyi ba FDLR, ikaba iyoborwa na Lt. Gen Hakizimana Appolinaire uzwi ku mazina ya Poete.

Muri ibi bihe, umutwe wa FDLR wagiye gufasha ingabo za Leta ya Congo, FARDC, muri iyi nkambi hatangijwe imyitozo igamije kwinjiza abarwanyi bashya mu mutwe wa FDLR bagera kuri 200 mu rwego rwo kuziba icyuho cya bagenzi babo.

Umutwe w’iterabwoba wa FDLR ugizwe na bamwe mu basize bakoze Jenoside yakorewe abatutsi mu Rwanda, nyuma yo gutsindwa urugamba bakaba barahungiye muri Repubulika ya Demokarasi ya Congo yahoze yitwa Zaire, aho bakomereje ingengabitekerezo ya Jenoside bagamije kugaruka mu Rwanda guhungabanya umutekano no kugambirira kurimbura abatutsi.

Bamwe mu barwanyi ba FDLR mu myitozo.

Related posts

CAF Confederation Cup: AS Kigali yari ihagarariye u Rwanda yasezerewe na DCMP yo muri DR Congo.

NDAGIJIMANA Flavien

Euro 2020: Ububiligi busezereye Portugal iheruka kwegukana iki gikombe (Amafoto)

NDAGIJIMANA Flavien

Musanze: Irondo ry’isuku ryitezweho gutsimbataza umuco w’isuku muri aka karere [AMAFOTO]

NDAGIJIMANA Flavien

Leave a Comment