Umukinnyi wa filime Mukobwajana Asifiwe, wamamaye ku izina rya Micky, n’umukunzi we Agiraneza Pacifique uzwi nka AG Promoter, batangaje ko ubukwe bwabo buzaba ku wa 27 Ugushyingo 2025.
Ibi byamenyekanye nyuma y’uko AG Promoter aherutse gusaba Micky ko yamubera umugore, mu birori byabereye i Rebero ku itariki ya 9 Ugushyingo 2025, aho yamwambitse impeta y’urukundo.
Itariki y’ubukwe bayitangaje ku mbuga nkoranyambaga kuri uyu wa 18 Ugushyingo, bituma ababakurikira batangira kubifuriza ibyiza mu rugendo rushya bagiye gutangira.
Urukundo rwabo rwatangiye mu 2024 ariko bombi bakabigira ibanga mu itangazamakuru no ku mbuga nkoranyambaga kugeza igihe bageze ku cyemezo cyo kurushinga.
Iby’urukundo rwabo byari byarateje impaka kuri bamwe, bitewe n’uko Micky yari aherutse gutandukana na Captain Regis, bari banasanzwe bakinana muri filime.
