Visi Perezida wa Malawi, Dr. Saulos Chilima byari byatangajwe ko we n’abandi bagenzi baburiwe irengero nyuma yuko indege barimo ibuze kuri uyu wa Mbere tariki 10 Kamena 2024, yabonetse we na bagenzi be bose bapfuye.
Urupfu rwa Visi Perezida wa Malawi rwemejwe mu itangazo rya Perezidansi ya Malawi rigaragaza ko Perezida wa Repubulika ya Malawi, Dr Lazarus Chakwera ari butangaze amakuru arambuye.
Abantu 10 bose bari muri iyi ndege ya gisirikare harimo na Visi Perezida, Dr Saulos Chilima, babonetse mu ishyamba rya Chikangawa bapfuye kuko indege yaguye ahantu habi kubona ubutabazi bikaba byasaga nk’ibidashoboka.
