Ku mugoroba wo kuri uyu wa Kabiri tariki 18 Ugushyingo 2025, Minisitiri w’Intebe Dr. Justin Nsengiyumva yakiriye PRAK Sokhonn, Minisitiri w’Intebe wungirije akaba na Minisitiri w’Ububanyi n’Amahanga w’Ubwami bwa Cambodge.
Ibiganiro by’aba bayobozi byibanze ku gushimangira umubano mwiza hagati y’u Rwanda n’Ubwami bwa Cambodge, banaganiriye kandi ku nama ya 46 y’Abaminisitiri bo mu bihugu byibumbiye mu muryango w’Ibihugu bikoresha ururimi rw’Igifaransa, CMF46, izatangira kuri uyu wa Gatatu i Kigali.
