Umutoza Robertinho wanyuze muri Rayon Sports, yafashije ikipe ya Vipers SC ikina umupira w’amaguru muri Uganda, kwegukana igikombe cya Shampiyona y’icyiciro cya mbere 2021-22
Uyu mutoza yabigezeho nyuma y’uko ikipe atoza ya Vipers SC itsindiye Express FC ibitego bitatu (3) ku busa (0), bihita biyihesha kwegukana igikombe cya Shampiyona y’icyiciro cya mbere mu mupira w’amaguru muri Uganda.
Iki ni igikombe cya shampiyona cya Gatanu iyi kipe ya Vipers SC itwaye kuva yashingwa mu mwaka wa 1969. Iyi kipe yahoze yitwa Bunamwaya FC, yatwaye ibikombe mu 2010, 2015, 2017-2018, 2019-2020 no kuri iyi nshuro ya 2021-2022
