Sosiyete nyarwanda ikora ubwikorezi bwo mu kirere, Rwandair, yafashe umwanzuro wo kuba ihagaritse gutwara abagenzi bava muri Afurika y’Epfo na Zimbabwe berekeza i Dubai muri United Emirates Arabs.
Iki cyemezo cyafashwe n’iyi Sosiyete biturutse ku kuba Leta Zunze Ubumwe z’Abarabu zatangaje ko zitazongera kwakira abagenzi bava muri ibi Bihugu kubera ubwoko bushya bwa Covid-19 bwiswe Omicron bwahagaragaye.
RwandAir yatangaje ko iki cyemezo kizatangira kubahirizwa ku wa Mbere tariki 29 Ugushyingo 2021 nk’uko bikubiye mu itangazo yasohoye.
Iyi nkubiri ya Coronavirus, yatangiye mu mpera za 2019 mu Mujyi wa Wuhan mu Bushinwa, ikwira Isi yose, OMS iyita Covid-19, mu mpera za 2020 haduka Coronavirus yihinduranyije yahawe izina rya Delta, none mu mpera za 2021 hadutse iyi yitwa Omicron.
1 comment
Iyi nyagwa ngo ni Coronavirus izarangiza Isi. Twari dutangiye kwishima ngo ibintu biri gusubira mu buryo none undebere haje ubundi bwoko bw’igikatu. Nta mahoro ari ku Isi koko nk’uko bibiliya yabivuze. Guma mu rugo iraje igaruke