Miss Bahati Grace wabaye Nyampinga w’u Rwanda mu 2009 witegura ubukwe mu minsi iri imbere, yakorewe ibirori bya Bridal Shower mu ijoro ryo kuri uyu wa 7 Kanama 2021
Mu gitondo cyo kuri iki cyumweru tariki ya 08 Kanama 2021, hirya no hino ku mbugankoranyambaga habyutse hacicikana amafoto ya Miss Bahati Grace, ari kumwe n’inshuti ze mu birori byo gusezera ku rungano ibi bizwi nka “Bridal shower”. Ni ibirori byitabiriwe n’inshuti ze ziarimo Miss Aurore Kayibanda n’abandi banyuranye.
IGIHE dukesha iyi nkuru yatangaje inkuru y’uko uyu mukobwa yitegura kurushinga muri Nzeri 2021, icyakora ibijyanye n’amatariki buzaberaho yakomeje kugirwa ibanga rikomeye.
Miss Bahati Grace wabaye Nyampinga w’u Rwanda mu 2009, agiye kurushinga na Pacifique Murekezi w’imyaka 31, akaba ari umuhungu wa Murekezi Raphaël wamenyekanye nka Fatikaramu. Uyu azwi cyane mu karere ka Nyanza ho mu ntara y’amajyepfo kuko ni umwe mu bashinze ishuri rya Espanya, ndetse akaba yaranakiniye ikipe ya Rayon Sports.
Miss Bahati yagiye muri Amerika ku wa 22 Kamena 2011, kubwo gushaka imibereho yisanga ari umwarimu mu irerero ry’abana bato. Nyuma y’umwaka umwe, Miss Bahati yibarutse umwana yabyaranye na K8 Kavuyo, ubuzima burushaho kurura nyuma aza kubona imiryango ibiri imufasha.
Mu ntangiro za 2019 ni bwo Bahati yashyize ahagaragara ifoto ari kumwe n’uyu musore ahamya ko yamugaruriye ibyishimo by’ubuzima.
