Bimwe mu bihugu biherereye mu Majyarugura ya Afurika (Magreb) ari byo Algeria, Tunisia na Libya, byatangije ibiganiro bigamije gushinga undi muryango wo gusimbura uwa Arab Maghreb Union (AMU) umaze igihe ari baringa.
Russia Today yanditse ko ibyo biganiro byatangijwe n’abakuru b’ibyo bihugu ariko bihezwamo Mauritania na Maroc byari bisanganywe muri AMU.
Biteganyijwemo ko hazanakorwa inama ya mbere y’uwo muryango mushya vuba mu rwego rwo kureba uko wakora neza nyumya y’uko AMU yari isanzweho imaze imyaka irenga icumi idakora bitewe n’imibanire itari myiza hagati y’ibihugu binyamuryango bimwe.
Iyi nama izakirwa na Tunisia aho Perezida wayo, Kais Saied abinyujije ku rukuta rwa X, yamaze gutangaza ko izitabirwa gusa na bagenzi be ba Libya na Algeria. Uyu muryango wa AMU washinzwe mu 1989 aho Mauritania na Maroc biri mu bihugu byawutangije. Maroc ishinja Algeria gushaka gushing undi muryango uzatuma igira ijambo ku bindi bihugu nubwo Algeria yo ibihakana (Igihe).
