Ikipe ya APR FC yageze muri 1/2 cya CECAFA Kagame Cup nyuma yo kunganya na KMC yo muri Tanzania bari kumwe mu itsinda rya Kabiri (B).
APR FC yagiye gukina uyu mukino ifite amanota atandatu yakuye ku mikino ibiri ibanza, aho yatsinze Bumamuru ibitego 2-0, bikaba ari nabyo bitego yatsinze Mlandege. Kuri uyu mukino APR FC niyo yabanje gufungura amazamu ku gitego cyatsinzwe na Niyigena Clement ku munota wa 39.
Igice cya mbere kibura iminota 2 ngo kigane ku musozo Erick Mwijage Edson yaje gufasha KMC kugombora bajya mu kiruhuko baganya igitego 1-1. Iri nota ryatumye ikipe ya APR FC izamuka mu itsinda rya Kabiri (B) ari iya mbere n’amanota 7 inazigamye ibitego 4.
Ikipe ya APR FC igomba guhura n’izaba iya mbere mu itsinda rya Gatatu (C). Muri iri tsinda amakipe yombi uko ari ane ranganya amanota 2, ayo ni Al-Hilal Omdurman, Mogadishu City, Madani na Kator. Imikino yo muri iri tsinda iteganyijwe kuri uyu wa Kabiri tariki 09 Nzeri 2025.
