Real Madrid yasezereye Liverpool yongera amahirwe yo kwisubiza iki gikombe ibitse inshuro 13 naho Manchester city itaratwara iki gikombe na rimwe yihanangiriza Dortmund ya Erling Halaand.
Imikino 2 yaraye ibaye mu ijoro ryo kuri uyu wa gatatu tariki ya 14 Mata 2021 yasize hamenyekanye amakipe abiri asanga andi abiri yamaze kugera muri ½ cy’irangiza cy’irushanwa rya UEFA Champions league.
Ayo ni Real Madrid yo muri Esipanye yasezereye Liverpool yo mu Bwongereza nyuma yo kugwa miswi ubusa ku busa ku kibuga cyayo Anfield road mu gihe Manchester city ya Gualdiola yasubiriye Dortmund ku kibuga Signal Iduna Park iyitsinda ibitego 2 kuri 1.
Mu mikino ibanza yabaye mu cyumweru gishize Real Madrid yari yatsindiye Liverpool mu rugo ku kibuga Alfred Di Stefano ibitego 3 kuri 1 naho Manchester city ku kibuga cyayo Emirates stadium ikaba yari yatsinze Dortmund ibitego 2 kuri 1.
Ibi bivuze ko mu mikino ya ½ cy’irangiza izaba kuwa 27 Mata 2021 Real Madrid y’umutoza Zinedine Zidane izacakirana na Chelsea FC ya Thomas Tuchel, mu gihe PSG ya Kylian Mbappe izajya mu mitsi na Manchester city ya Pep Gualdiola.
