Perezida wa Repubulika y’u Rwanda, Paul Kagame, kuri uyu wa Gatanu tariki 25 Werurwe 2022, yageze i Caïro mu Misiri mu ruzinduko rw’akazi.
Ibiro bya Perezida wa Repubulika byatangaje ko muri uru ruzinduko, biteganyijwe ko Perezida Kagame abonana na mugenzi we wa Misiri Abdel Fattah Al-Sisi bakaganira ku mubano w’Ibihugu byombi ndetse na Afurika muri rusange.
Perezida Paul Kagame ageze i Caïro akubutse i Aqaba mu bwami bwa Yorudaniya aho yabonanye n’Umwami Abdullah II bin Al-Hussein. Aba bayobozi bari bitabiriye inama yiswe ‘Aqaba Process Meeting on East Africa’, banaboneyeho kuganira ku mubano w’Ibihugu byombi usanzwe wifashe neza.
