Ubushakashatsi bwerekanye ko abantu bahabwa inkingo nyinshi za Covid-19 bigenda bigabanya ibyago byo kwandura no kuzahazwa n’iki cyorezo cyigize umugozi ku Isi nzima.
Ubushakashatsi bwakorewe mu Gihugu cya Israel, Igihugu kiri mu bimaze gutanga inkingo nyinshi za Covid-19, bwerekanye ko nk’abaganga bamaze guhabwa inkingo enye bafite ibyago bicye cyane byo kwandura.
Ni ubushakashatsi bwatangajwe mu kinyamakuru “American Medical Association” ku wa Kabiri.
Bwerekanye ko nk’abaganga bahawe inkingo enye za RNA (Pfizer cyangwa Moderna), bagezweho n’ubwandu kuri 7%, mu gihe abahawe inkingo eshatu, urwa gatatu bakaruhabwa kugeza mu mpera za Nzeri umwaka ushize, banduye kuri 20%.
Leta Zunze Ubumwe za Amerika yo irimo kugira ihame urukingo rwa gatatu (urwa mbere rwo gushimangira) ku bantu baregeje imyaka itanu.
Ni mu gihe abarengeje imyaka 50 bemererwe urukingo rwa kabiri rwo gushimangira, cyangwa abantu barengeje imyaka 12 bafite ubundi burwayi bukomeye.
Kugeza ubu inkingo zitangwa muri doze zo gushimangira ni iza Pfizer-BioNTech, Moderna na Jansen.
